اليوم العالمى للخطوط الحمراء والمجالس العسكريه


فرصه عظيمه أن يتاح للإنسان كتابة ما يدور فى خاطره .. وفرصه أعظم أن تتم قراءة ما تكتبه

لكن لأول مره أتمنى أن لا يقرأ الناس ما أكتبه
فالكتابه فى هذا اليوم تحديداً هى مجازفه تتجاوز خطورة القفز فى البراكين
فكيف تجرؤ على إنتقاد المجلس العسكرى .. حكماء الوطن .. والأشخاص الوحيدين الذى لا يمكن المساس بهم
كيف تجرؤ على معاتبة صفوة رجال مصر .. حماة الثوره .. الذى لولاهم لكانت مصر -وفقاً لتوقعاتهم- مثل ليبيا واليمن وسوريا
كيف تجرؤ على المساس بشخص المجلس العسكرى .. وهو الأقوى دائماً .. ذو الرؤيه الواسعه .. المعصوم من الخطأ
والمنقى من كل الذنوب .. ذو القوه المطلقه .. الغير قابل لأى نقاش أو جدال.
كيف تجرؤ على كتابة مقال ينتقد أداء المجلس العسكرى .. فى حين أنهم إن لم يعجبهم كلامك فأنت معرض
للسجن العسكرى على الأقل .. إن لم يصاحب ذلك بعض من الكهرباء والتركيع والإذلال والتنكيل والسب
مثلما حدث مع أصدقائنا فى المتحف المصرى والهايكستب.
كيف تجرؤ على أن تقترب من الخط الأحمر الذى طالما توعدوا لنا وحذرونا من المساس به ..
كيف تجرؤ وكل يومين يخرج علينا بيان شديد اللهجه يحذر من الأيادى الخفيه والأصابع الخارجيه والعناصر المدسوسه ؟؟
أقولك جبت الجرأه منين؟؟ من صورة فى خيالى لأكتر من 800 شهيد و400 مفقود وآلاف المصابين ولسه مافيش ولا واحد فيكى يا مصر
صدر ضده حكم إعدام أو حتى حبس .. وكأن اللى أستشهدوا والمصابين دول نتيجة حرب مع كائنات فضائيه غير معلومه.
خلاصة الكلام .. إحنا فاكرين كويس ومش ناسيين ..فيه تحية إعزاز وتقدير لأرواح الشهداء من القوات المسلحه .. والتحيه دى واجبه
ولايمكن سحبها .. ومش أصول تتسحب من غير ما نعرف أصلاً .. ولو هى لسه ساريه ولم يتم سحبها .. يبقى اللى قتل يتحاكم
واللى سرق يتحاكم واللى حرض على القتل يتحاكم .. واللى أصدر أوامر بإطلاق النار على المتظاهرين يتحاكم .. ولو مش هتقدروا قولوا
إحنا شعب واحد وماينفعش نتكسف من بعض ..قولوا وإحنا نساعدكم..
وللعلم .. مصر ليست ليبيا ولا اليمن ولا سوريا .. وبالتالى أيضاَ جيشها ليس ليبى ولا يمنى ولا سورى
نازلين الجمعه اللى جايه عشان مافيش حد حاسس بفرق .. قبل الثوره الناس كانت بتخاف من أمن الدوله والداخليه .. ودلوقتى بيخافوا من المجلس العسكرى
والثوره ما أتعملتش ..والشهداء والمصابين ماضحوش بنفسهم عشان حاجه غير إن الناس تبطل تخاف إلا من اللى خلقها وبس
والله الموفق

Advertisements

About Moutaz_D

Sound Engineer .. VO Performer.. Music Producer Blogger .. Human Rights Defender,Activist & Anti-(Zionist/‎Freemasonry) View all posts by Moutaz_D

One response to “اليوم العالمى للخطوط الحمراء والمجالس العسكريه

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: