البقرة وقعت فى الساقيه

نداء إلى دولتنا الحبيبه (مصــــر)..الجاموسه وقعت فى الساقيه ولازم نطلّعها .. يا نقتلها ونخلص منها

..

إنجزى يابلد

الناس أبتدت تزهق .. ولكل صبر نهايه .. ومش عارف ليه مسيطر على تفكيرى مشهد فيلم الأرض ليوسف شاهين

لما البقره وقعت فى الساقيه

الناس هنا فى المشهد كانت مصيبتهم مصيبتين .. أو طامه كبرى باللغه المقعره

فأول مصيبه هو أن بما أن البقره وقعت فى الساقيه .. فده هيمنع الساقيه من العمل بإنتظام

وبكده المياه مش هتترفع عشان تروى أراضيهم

أما الفريق الآخر فكان محتاس فى مين اللى هيشيل تمن الجاموسه لو ماتت؟؟

وشوية السنيده عارفين أنهم هيتمخمضوا وبنزلوا فى الطين عشان

همه دائماً الشريحه اللى بيتطلب منها الطلبات اللى

فيها فرهده .. بتوع الفحت و الردم يعنى 😀




ماحدش فكيك فيكم فكر فى موقف الجاموسه نفسها؟؟

مش إحتمال تكون الجاموسه مبسوطه ومتكيفه من القعده تحت

وبتدعى ربنا أنهم يفشلوا فى إخراجها من الساقية

عشان هى – أى الجاموسه- متيقنه من داخلها

أنهم ناس طيبين .. لو ماعرفوش يخرجوها .. هيسيبوها تعيش فى الساقيه

وينزلوا لها أكلها كل يوم


وبكده تحولت الجاموسه من حيوان بيسعى ويلف حوالين نفسه طول النهارمقابل حزمة برسيم

إلى إقامه خمس نجوم .. بير فيه ميه تكفيها .. وناس بتدى لها أكل كل يوم عشان هى صعبانه عليهم


وده بالفعل اللى حصل

الحكومه بتاعتنا فشلت بجد أكتر من كل تشكيل وزارى سابق

ووقعت وقعة الجاموسه فى الفيلم

بس جاموستنا برشطت وقامت مأنتخه وعجبتها القعده تحت

والطالمه الكبرى -تانى- أن شعبنا العزيز المهاود

بالغ فى عطفه على الجاموسه .. وفرش لها الساقيه خمس نجوم

وبيخدمها خدمه فندقيه



مش عارف هل النوت ده ليه علاقه بأن الحكومه بتقطع الكهرباء عن الناس رغم أنها

خدمه واجبه عليها كحكومه وكشركه أن يتعاملوا معنا كعملاء

الكاستمر سيبرفس والعياذ بالله

أو بيقطعوا الميه فى أى وقت من غير أى مراعاة لظروف وأحتياجات الناس

أو أننا هنستورد الغاز اللى أحنا مصدرينه لأسرائيل عشان نعوض فرق الطاقه


ماعلينا

بالنسبه للجاموسه؟؟

مبسوطه من الخدمه ولا ليكى طلبات تانيه؟؟


Advertisements

About Moutaz_D

Sound Engineer .. VO Performer.. Music Producer Blogger .. Human Rights Defender,Activist & Anti-(Zionist/‎Freemasonry) View all posts by Moutaz_D

19 responses to “البقرة وقعت فى الساقيه

  • Remy

    ههههههههههههههههه جامده جامده جامده بجد
    الجاموسه هاتعوز ايه اكتر من كده بقي

  • رافت

    العنوان جميل…جاموسه والملافظ سعد يا عم ميزو
    انت عارف مشكلتنا ايه؟ السلبيه الانهائيه واليقين التام ان الجاموسه مش هتقوم تانى وان احنا مؤمنين ان الحكومه عامله زى سوبر مان وماحدش يقدر يغلبها
    والدليل هى التويتات بتاعة مصر ماتت وان سنه 2018 مصر هتفضل زى ماهى
    البلد هتنجز لما احنا ننجز مسلم مسيحى ملحد شيوعى ونقبل بعض على هذا الاساس

    وبعدين انت جاى تعكر دمى وانا لسه فاطر من خمس دقايق ..وانا سايبك بقالى يومين باقول خليه فى حاله
    جاى انت ترازى فيه ليه

    • Moutaz_D

      آه ياعم رأفت .. ما أنت كل يوم مستغل موضوع التوقيت
      وبتفتح لى مواضيع مستفزه والواحد صايم
      ههههههههههههههههههه

  • AYMAN

    السلام عليكم
    ما يحزني اني ادخل علي مدونة عربي والقيها مش مظبوطة ممكن بعد اذنك تبعت ليه الثيم بتاعك ده اعربه ليك تعريب كامل وابعته ليك ممكن بعد اذنك؟

    • Moutaz_D

      تقصد بــ مش مظبوطه أن فيها مشكله؟؟ ولا موضوع التعريب فقط؟؟
      لأنى بالفعل فى طريقى لتعريب أقسام كاملة فيها
      وشكراً .. مقدماً على النيه الحسنه .. الله يكرمك على ذوقك
      🙂

  • khalil

    صديقى العزيز الف مبروك على المدونه مش على الجاموسة اللى
    وقعت فى البير…….صديقى ملناش خيار لازم ننقظها ننزل كلنا البير وبعزم حقيقى نطلها ملناش غيرها

    • Moutaz_D

      الجاموسه يا أستاذنا هى الحكومه اللى سابت شغلها وقعدت فى الظل
      وريحت نفسها من وجع القلب والشغل
      والشعب هو اللى بيخدمها
      لأ وصعبانه عليهم كمان
      إحنا ناس طيبين أوى .. وغلابة أوى يا أستاذنا
      😀

  • فتاه من الصعيد

    ههههههههههههه

    لا طبعا ليها طلبات …هي دي طالباتها بتخلص 🙂

    تدوينه جميله اوي

    تحياتي

    • Moutaz_D

      ماهو أحنا نشوف طلباتها ايه ونعملها لها وخلاص .. ممكن نسيب مثلاً شرم الشيخ للجاموسه .. تعيش وتنبسط هناك وأحنا مسامحين
      😀

  • Tweets that mention البقرة وقعت فى الساقيه « Mezology's Blog -- Topsy.com

    […] This post was mentioned on Twitter by Moutaz Dawood, Moutaz Dawood, Moutaz Dawood, Moutaz Dawood, Remy Abdalhalim and others. Remy Abdalhalim said: RT @Moutaz_D: @Raafatology @3arabawy @drnemovet @e_gyptian @ayman_shweky @maboulazm @Remy_A_Halim @esraafehead الجاموسه وقعت http://wp.me/p11dpT-B […]

  • نوارة

    بس الجاموسة كده حتغرق.. تفتكر انتحرت؟

  • نوارة

    هو التعليق ما نزلش ليه؟ باقولك تفتكر الجاموسة انتحرت؟

  • Esraa

    التشبيه حلو اويييي

  • boooogy

    الرك علي الحمير اليي سايبين الجموسة مقضياها و مش عاجبها

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: